كل ما يخص الغايسا كورت + طريقة شراءه عن طريق الانترنت | Rejsekort

تعرف على الشركات التي تقدم اسرع انترنت بأرخص الاسعار في الدنمارك

خدمة الانترنت اصبحت جزء من حياتنا جميعا و خاصة مع تزايد الخدمات و المنتجات يلي منستخدمها كل يوم و بتعتمد بشكل اساسي على الانترنت. ان كان مواقع مشاهدة الفيديوهات متل يوتيوب و نيتفلكس, خدمات IPTV , اللعب اونلاين او حتى التصفح العادي لمواقع التواصل الاجتماعي ... هي غير الحاجة الزائدة لسرعة انترنت اكبر بالوقت الحالي بالنسبة للاشخاص يلي عم يشتغلوا من البيت او الطلاب يلي عندن تدريس عن بعد.

مع كل هل حاجة المتزايدة لانترنت اسرع و اقوى .. يزداد التنافس بين الشركات الدنماركية لتقديم سرعة انترنت قوية جدا و بأسعار تنافسية.

بهذا المقال جمعت لكم اربع شركات انترنت في الدنمارك يلي بتقدم سرعة انترنت 1000 ميغا بت/بالثانية بسعر 249 كرون دنماركي بالشهر .. هاد السعر يعتبر الارخص في الدنمارك بحيث تكلفة الميغا البت الواحد بتكون 0,25 كرون.

ملاحظة هامة جدا: سرعة الانترنت ببتتأثر بكتير من العوامل .. يعني حسب نوع الراوتر, جهاز الكمبيوتر او الموبايل , طريقة الاتصال اذا كانت WIFI او كبل .. اذا بدك تحصل على السرعة الكاملة 900 ل 1000 ميغا بيت .. وصل الجهاز بالراوتر عن طريق كبل و اكيد لازم يكون المودم يلي بجهازك بيدعم السرعة العالية 1000.
(اذا كان كمبيوترك ما بيدعم السرعة العالية .. فيك تشتري محول من USB لل مودم بسعر مقبول .. بخلي جهازك يحصل على السرعة الكاملة)

1. شركة  KAZOOM:

شركة KAZOOM تعتبر من احدث الشركات في السوق الدنماركية .. تم افتتاح الشركة 1 يناير 2020 و لكن الشركة عندها شبكة ضخمة من الكبلات ضوئية جاهزة للاستخدام لان الشركة مملوكة من شركة AURA للكهرباء.

ميزات:

- سرعة انترنت  1000/1000 Mbit/s.

- تستخدم الشركة ميزة كبلات الالياف الضوئية يلي تعتبر من الافضل لسرعة انترنت عالية و مستقرة.

- توصيل سريع جدا للبيوت يلي عندها صناديق الانترنت FiberBox بشكل مسبق.

- امكانية الغاء الاشتراك الفوري .. بدون الالزام بالاشتراك لفترة 3 او 6 اشهر متل بقية الشركات.

عيوب:
- تقدم الشركة منتج واحد فقط و هو الانترنت.
-هام: لا تقدم الشركة راوتر او موزع للانترنت .. بحيث اذا اشتركت عندهم  بقدموا بس صندوق الانترنت FiberBox
اما بالنسبة للراوتر انت يلي لازم تشتريه .. الشركة قررت ما تقدم خدمة الراوتر مشان تخلي اسعارها منخفضة و مشان كل شخص يختار و يشتري الراوتر يلي بناسبوا حسب اجتياجاته.
اضغط هون و شوف قائمة بالراوترات يلي بتنصح فيهم الشركة.

تركز الشركة على جزيرة يولاند في تقديم منتجها و تتوسع الى مناطق اخرى.

الاسعار:
- سعر الخدمة بالشهر: 249 كرون
- خدمة انشاء الاتصال (تدفع مرة واحدة): 495 كرون

لتعرف اذا فينك تحصل على اشتراك انترنت من شركة KAZOOM و للاشتراك .. كل يلي عليك انك تفوت على موقع الشركة و تكتب عنوانك ..  بعدين بيطلعلك اذا الشركة بتوصل انترنت لمنطقتك... و بعدها فيك تكمل و تشترك.

موقع KAZOOM

2. شركة FASTSPEED:

انشئت شركة FASTSPEED بنهاية سنة 2018 على يد ثلاث اشخاص من اصحاب الخبرة في مجال الاتصالات و الانترنت .. الهدف الرئيسي للشركة هو تقديم منتجات انترنت عالية السرعة و الجودة و بأقل الاسعار.

ميزات:

- سرعة تحميل انترنت 1000 Mbit/s

- تقدم الشركة خدمة الانترنت بطريقتين: عن طريق كبلات الالياف الضوئية / كبلات التلفزيون.

- تقدم الشركة راوتر عند الاشتراك.

عيوب:

- تقدم الشركة منتج واحد فقط و هو الانترنت.

- لا تقدم الشركة سرعة انترنت واحدة الى كل المناطق .. بتقدر تعرف السرعة يلي بتقدر تحصل عليها لما تفوت عالموقع و تكتب عنوانك.

- اشتراك الزامي لمدة 6 اشهر قبل الحصول على امكانية الغاء الاشترك

الاسعار:
- سعر الخدمة بالشهر: 249 كرون / عن طريق كبل التلفزيون  

                                     319 كرون / عن طريق كبل الالياف الضوئية
- خدمة انشاء الاتصال (تدفع مرة واحدة): 0 كرون

لمعلومات اكتر و لتعرف اذا بتقدر تحصل على اشتراك الانترنت من FASTSPEED و السرعة يلي بتقدر تحصل عليها
فوت على موقع الشركة و كتوب عنوانك .. بيطلعلك السرعة يلي بتقدر تحصل عليها و بتقدر تكمل و تشترك.

موقع FASTSPEED

3. شركة HIPER:

هدف شركة HIPER هو نفس اهداف الشركات السابقة.. انو يقدموا خدمة انترنت سريعة و قوية و بأرخص الاسعار.

ميزات:

- سرعة تحميل انترنت 1000 Mbit/s

- تقدم الشركة خدمة الانترنت بطريقتين: عن طريق كبلات الالياف الضوئية (بسعر اعلى) / كبلات التلفزيون.

- تقدم الشركة راوتر عند الاشتراك.

عيوب:

- تقدم الشركة منتج واحد فقط و هو الانترنت.

- لا تقدم الشركة سرعة انترنت واحدة الى كل المناطق .. بتقدر تعرف السرعة يلي بتقدر تحصل عليها لما تفوت عالموقع و تكتب عنوانك.

- لدى الشركة اسعار مختلفة حسب المنطقة يلي بتسكن فيها.

- اشتراك الزامي لمدة 6 اشهر قبل الحصول على امكانية الغاء الاشترك

الاسعار:

- سعر الخدمة بالشهر: 249 كرون / عن طريق كبل التلفزيون  

                                     299 كرون / عن طريق كبل الالياف الضوئية

- خدمة انشاء الاتصال (تدفع مرة واحدة):
 198 كرون / عن طريق كبل التلفزيون  

      398 كرون / عن طريق كبل الالياف الضوئية

لمعلومات اكتر و لتعرف اذا بتقدر تحصل على اشتراك الانترنت من HIPER و السرعة يلي بتقدر تحصل عليها
فوت على موقع الشركة و كتوب عنوانك .. بيطلعلك السرعة يلي بتقدر تحصل عليها و بتقدر تكمل و تشترك.

موقع HIPER

4. شركة TELENOR:

تعتبر شركة TELENOR واحدة من اكبر الشركات في مجال الانترنت و الاتصالات في الدنمارك.

ميزات:

- سرعة تحميل انترنت 1000 Mbit/s

- تقدم الشركة خدمة الانترنت بطريقتين: عن طريق كبلات الالياف الضوئية / كبلات التلفزيون.

- تقدم الشركة راوتر عند الاشتراك.

عيوب:

- لا تقدم الشركة سرعة انترنت واحدة الى كل المناطق .. بتقدر تعرف السرعة يلي بتقدر تحصل عليها لما تفوت عالموقع و تكتب عنوانك.

- امكانية الغاء الاشتراك الفوري .. بدون الالزام بالاشتراك لفترة 3 او 6 اشهر متل بقية الشركات.

الاسعار:

- سعر الخدمة بالشهر: 249 كرون / عن طريق كبل التلفزيون  

                                   

- خدمة انشاء الاتصال (تدفع مرة واحدة): 0 كرون.

لمعلومات اكتر و لتعرف اذا بتقدر تحصل على اشتراك الانترنت من TELENOR و السرعة يلي بتقدر تحصل عليها
فوت على موقع الشركة و كتوب عنوانك .. بيطلعلك السرعة يلي بتقدر تحصل عليها و بتقدر تكمل و تشترك.

موقع TELENOR

--------------------------------------------------------------------------------------------------------------------------

لهون بكون انتهى المقال .. ان شاء الله كون قدرت قدم معلومات جديدة و اذا بتعرفوا شركات تانية بتقدم خدمة انترنت سريعة و جيدة كتبولنا عنها تحت بالتعليقات و انا بضيفها بالمقال بحيث الكل يستفاد.